Artistja shqiptare nga Tirana Monika Moloholli, përmes një pikture ka arritur të pasqyrojë në detaje kujtimet e saj të fëmijërisë. Këtë vepër me vlera të larta artistike e ka realizuar nga një frymëzim i pashtershëm.
Vasha si një engjëll kolovitet në gëzimet dhe lumturinë e jetës së saj fëmijërore. Kolovajzën e ka rrënjosur në degët e pemës pranverore, ku shpresat kanë lulëzuar dhe janë nisur drejt një ardhmërie të shëndoshë, të pasur e të sigurt.
“Piktura më kujton pikërisht fëmijërinë time, ku në ato netë të zymta të regjimit enverian të asaj kohe, i vetmi argëtim ishte të kolovitej nën qiellin e bukur me yje dhe ndërkohë të dëgjojë cicërimat e zogjve të cilët kërkonin të të drejtonin drejt të ardhmes, të bënin të harroje për një çast hallet dhe problemet e ditës dhe të endërroje për një të ardhme më të begatë. Pikturën e kam pasur pasion që në vegjëli, ndoshta e kam paksa edhe të trashëguar nga xhaxhai im, piktori elbasanas Hilmi Molloholli, i cili ndërroi jetë në moshë të re. Mund të them me plot fjalë, që ai ka qenë edhe mësuesi im i parë dhe frymëzuesi im drejt pikturës. Me penelat e tij me bënte të futesha thellë në ëndërrime. Motivet e pikturave të mia janë kryesisht natyra, portretet dhe kujtimet e fëmijërisë. Por shpesh herë nxitem edhe nga vajza ime Viola (6 vjeçe) e cila me frymëzon edhe me historitë e saj fëmijërore. Kam pasion edhe portretet e shume filmave vizatimorë (natyrisht i bëj për të kënaqur vajzën time). Kohen time të lirë e kaloj me pikturën dhe përkthime nga gjuhët e huaja pa lënë pas dore edhe muzikën e cila është pasioni im”, shkruan artistja Molloholli.
© SYRI.net
Vepra e artistes Molloholli eshte nje pikture e arrire. I uroj kesaj artisteje nga Tirana qe te na shtoje edhe piktura te tjera ne repertorin e saj. Gazetarit te kesaj intervisteje i uroj suksese te metejshme.
Piktura e artistes eshte me te vertete nje pikture me vlera. I uroj kesaj artisteje nga Tirana qe shume shpejt te na beje te njohura edhe vepra te tjera te saj. Urime pa fund.
Artikulli mbi artisten Molloholli eshte me te vertete nje artikull me vlere. I lumte gazetarit.