Kryeministri edi Rama ka njoftuar se sot pasdite do të përurojë, një muze të ri në Tiranë, Shtëpinë e Përgjimeve të Sigurimit të Shtetit.
"Ju uroj një ditë të mbarë me Muzeun e ri të Gjetheve, - shkruan Rama në Fb, - godina e të cilit (ish-Shtëpia e Përgjimeve, Tiranë) më 2013 ishte një karakatinë, ndërsa sot një tjetër hapësirë europiane.
Pas Marubit në Shkodër, Muzeut të Artit Mesjetar në Korçë, Muzeut Arkeologjik në Durrës, BunkArt 1 e BunkArt 2, ky është muzeu i gjashtë në vetëm 3 vjet e gjysmë, që çel dyert sot mbasdite për publikun vendas e të huaj.
Nuk kemi bërë mrekulli. Por krahasuar me zero godina të tilla në çerekshekullin para këtij mandati, e me plagët e rrënimit të trashëguara prej atij çerekshekulli, ashtu si në çdo fushë, kemi bërë vërtet shumë.
Por, kjo është prova e rradhës se sa shumë ka për të humbur nëse ndalemi sot. Prandaj nuk do të rreshtim së punuari me të njëjtën forcë e vendosmëri që luftuam për Vetingun," nënvizon ai.
© SYRI.net
Edivina te lutem mos haro pikturen tende te gazetes se Sigurimit Perpjeka. Na ka mare malli shume te ate kryeveper sharlatani.