Papa Françesku ka vlerësuar Maria Kaletën me dekoratën e Lartë të Kryqit. Maria Kaleta është martirja e gjallë që dëshmoi para Papës për sakrificat gjatë regjimit komunist.

Motër Maria Kaleta është murgesha stigmatine që gjatë gjithë regjimit edhe pse në fshehtësi iu përkushtua jetës së murgeshës ku pavarësisht se ka jetuar mes sakrificave, vuajtjeve e përndjekjeve, së bashku me të ka jetuar edhe “feja” pa u lëkundur asnjëherë.

Me dëshminë e saj së bashku me Kardinalin Dom Ernest Troshanin, më 24 shtator 2014, përlotën Papa Françeskun në Katedralen e Tiranës.