Napoli luan javën e ardhshme ndaj Barcelonës në shtëpi në kuadër të fazës së 1/8 në Ligën e Kampioneve.
Sigurisht një ndeshje e rëndësishme për napoletanët pasi do të luajnë përballë një ndër ekipeve më të mira në botë.
Mirëpo një problem duket se ka lindur mes tifozëve dhe drejtuesve të Napolit. Ultrasit e skuadrës kanë vendosur të bojkotojnë sfidën për shkak të çmimit të lartë të biletave.
Ata reaguan publikisht duke akuzuar klubin se me çmimin e biletës 70 € në sektorin B të stadiumit “San Paolo” po nëpërkëmbin ultrasit e “të kaltërve”.
“Sektori B është i vetmi vend i lënë tani vetëm për të pasurit. Ndihemi të ofenduar si ultras, si baballarë dhe si njerëz. Pas shumë demonstrimeve se sektori B është tifozi i 12-ë në fushë, tani vjen ndëshkimi: një biletë për ndeshjen Napoli-Barcelona kushton 70 €. Sërish një mungesë respekti e klubit kundrejt qytetit që ne do ta shlyejmë me mungesën tonë në stadium”, shkruhet në komunikatën e tifogrupit të Napolit.
Ky sektor i fansave napolitanë ka sulmuar vazhdimisht presidentin e klubit Aurelio De Laurentis për vendimet dhe politikat e ndjekura. Disa herë këtë sezon, ultrasit e Napolit kanë bojkotuar disa prej ndeshjeve të skuadrës së kaltër.
© SYRI.net
Borxhe dhe bilanc negativ, juventinët duan anulimin e titullit të Interit
Açerbi mbyll para kohe sezonin me Interin, mendjen te Shqipëria në Europian
Pochetino nuk mban përgjegjësi për dështimin e Chelseat: Nuk flas me pronarin prej disa muajshBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
