Kosova U-21 ka dhuruar një paraqitje të jashtëzakonshme në ndeshjen e tretë të fazës së grupeve për eliminatoret e Euro 2027, duke mposhtur bindshëm San Marinon U-21 me rezultatin e thellë 7-0.
Skuadra e drejtuar nga Afrim Tovërlani dominoi nga fillimi deri në fund, me një lojë sulmuese të rrjedhshme dhe kombinime efektive që prodhuan gola spektakolarë.
Serinë e golave e hapi Eliot Bujupi në minutën e 12-të, ndërsa vetëm pak çaste më vonë Leon Frokaj dyfishoi avantazhin. Hekuran Berisha shtoi golin e tretë në minutën e 20-të, duke vulosur një pjesë të parë perfekte për “Dardanët e rinj”.
Në pjesën e dytë, Kosova vazhdoi me të njëjtin intensitet. Berisha shënoi edhe një herë (59’), ndjekur nga Lirim Jashari (62’), Julind Selmonaj (75’) dhe Frokaj që kompletoi dopietën e tij në minutën e 83-të.
Megjithëse Luan Lleshi u përjashtua me karton të kuq në minutën e 69-të pas dy ndëshkimeve me të verdhë, kjo nuk ndikoi në ritmin e lojës, pasi Kosova ruajti kontrollin dhe vazhdoi të kërkonte gola deri në fund.
Kjo fitore e thellë jo vetëm që i jep Kosovës tri pikë të çmuara, duke e çuar në kuotën e 4 pikëve pas tri ndeshjeve, por edhe forcon besimin në grup për vazhdimin e garës drejt kualifikimit në fazën finale të Euro 2027.
© SYRI.net
Klose reagon pasi Messi i theu rekordin e golave në Botëror: I heq kapelen!
Messin nuk e arrin më, por Ronaldo vazhdon të ndjekë një rekord historik në Botëror
Nis epoka Malagò në futbollin italian, Maldini favorit për postin e drejtorit teknik, trajner...Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
