Rubin Hebaj vazhdon të surprizojë me lëvizjet e tij në merkato. Sulmuesi shkodran është prezantuar zyrtarisht si lojtari më i ri i Sogdianës, duke vijuar një seri transferimesh të shpejta që e kanë çuar në katër ekipe të ndryshme në më pak se dy vite.
Pas një periudhe në Uzbekistan me skuadrën e Nasaf Qarshi, Hebaj ka firmosur me Sogdianën një kontratë që e mban të lidhur me klubin deri në fund të vitit 2026. Ky hap i ri vjen pas një kalimi të vrullshëm nëpër ekipe të ndryshme si Al Orobah në Arabinë Saudite, CS Sfaksien në Tunizi, dhe më pas rikthimi në Uzbekistan.
Karriera e 26-vjeçarit ka qenë e pasur në lëvizje, por edhe me trofe të rëndësishëm. Ai është rritur te Vllaznia, ndërsa në Superligën shqiptare ka lënë gjurmë duke u shpallur kampion si me Partizanin ashtu edhe me Teutën.
Pavarësisht ndryshimeve të shpeshta, Hebaj vijon të mbetet një emër i njohur në futbollin shqiptar dhe ndërkombëtar, duke treguar se ambicia e tij për të provuar veten në nivele të ndryshme nuk ka të ndalur.
© SYRI.net
VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
Messi lë të hapur derën për Botërorin 2030: Nuk e di, nuk po mendoj për këtë tani
Ronaldo dhe Karimov hyjnë në histori, Botërori regjistron një duel unik mes dy brezaveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
