Një ‘stuhi’ ka goditur shtëpinë e Milanit vetëm disa orë para fillimit të vitit të ri. Shkarkimi i Paulo Fonseca-s shënoi fillimin e një situate tragjike që u konsumua mes barazimit 1-1 kundër Romës dhe mëngjesit të djeshëm, kur në pak çaste porta rrotulluese e Milanello-s mirëpriti Sergio Conceição-n.
Qortim i ashpër
Para kësaj, në ditën e pushimit që u anulua për skuadrën kuqezi, e gjithë kupola drejtuese vizitoi Milanello-n. Zlatan Ibrahimović, i shoqëruar nga Furlani dhe Moncada, priti me krahë të kryqëzuar pranë portave të qendrës stërvitore për të qortuar të gjithë lojtarët, raporton Tuttosport, duke kërkuar një reagim të qartë dhe një kthesë në prag të vitit 2025. E gjitha kjo ndërsa Superkupa është afër. Pas kësaj, u komunikua zyrtarisht ardhja e Conceição-s si trajner i ri i Milanit.
Marrja e përgjegjësive
Lidhur me ardhjen e trajnerit të ri portugez, i cili dje zhvilloi stërvitjen e tij të parë me Milanin, ai u prit nga të gjithë drejtuesit, të cilët ndoqi edhe seancën e paradites në Milanello. Zgjedhja e Conceição-s tregon se kthesa drejt Fonseca-s gjatë verës nuk ishte e duhura. Tani, të gjithë në shtëpinë kuqezi do të vënë në diskutim veten për të nxitur një reagim dhe për të shpëtuar një sezon që ende mund të ketë një përfundim të pranueshëm.
© SYRI.net
Tragjedi në Francë, ndërron jetë në moshën 21-vjeçare futbollisti i Guingamp-it
Deschamps largohet nga Botërori, ndërron jetë nëna e trajnerit të Francës
Ronaldo ‘Fenomeni’ me batutë për Messin: Në moshën e tij unë peshoja 120 kilogramëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
