Formula 1/ McLaren dominon provat zyrtare në Abu Dhabi me të dy pilotët, Leclerc e nis garën nga vendi i fundit

Piloti britanik Lando Norris siguroi “pole position” sot pasdite në pistën e Yas Marina, i vlefshëm për Çmimin e Madh të Abu Dhabi.

Ky është “pole” nr.9 në karrierë për pilotin e McLaren, që dha kohën 1’22”884, siguruar në sekondat e fundit.

Një dominim i McLaren në këto prova zyrtare, me të dy pilotët e saj në vijën e parë në startit.

I dyti u rendit Oscar Piastri, rezultat ky që afron makinën britanike me titullin kampion për konstruktorë, pasi rivalët e Ferrari janë shumë larg.

I treti u klasifikua Carlos Sainz me makinën “kokëkuqe”, që do të ndajë vijën e dytë me një emër surprizë, Nico Hulkenberg me Haas.

Vetëm i pesti Max Verstappen me Red Bull, që la pas Gasly, Russell, Alonso, Bottas dhe Perez, në “top-10” më të mirët.

Ai që zhgënjeu ishte Charles Leclerc me Ferrari, që u klasifikua i 14-ti pasi iu hoq koha e dhënë. Dhe, pas penalizimit me 10 pozicione, do ta nisa garën e së dielës nga vendi i fundit.

Dobët u paraqit edhe Lewis Hamilton me Mercedes, në vendin e 18-të.

© SYRI.net

Lexo edhe:

• Klose reagon pasi Messi i theu rekordin e golave në Botëror: I heq kapelen!
• Messin nuk e arrin më, por Ronaldo vazhdon të ndjekë një rekord historik në Botëror
• Nis epoka Malagò në futbollin italian, Maldini favorit për postin e drejtorit teknik, trajner...