Dy gjyqtarë të UEFA-s janë pezulluar pasi një gol i shënuar në sfidën mes Suedisë dhe Azerbajxhanit në Ligën e Kombeve ishte anuluar gabimisht.
Sulmuesi Alexander Isak mendoi se kishte shënuar gol ndaj Azerbajxhanit në mbrëmjen e së martës, por iu anulua.
Goli i yllit të Newcastle u anulua për pozicion jashtë loje pas rishikimit nga VAR-i, por që më vonë u zbulua se vijat e pozicionit jashtë loje ishin hartuar gabimisht.
Vijat ishin hartuar nga Isak kur në fakt ishte Viktor Gyokeres ai i cili kishte pasuar topin në drejtim të bashkëlojtarit të tij që gjendej në pozicion të rregullt.
Ky incident kishte ndodhur kur rezultati tashmë ishte 3-0, por ndeshja në fund eventualisht përfundoi me rezultatin 6-0 për suedezët.
Dy gjyqtarët përgjegjës Daniel Stefanski dhe Pawel Malec janë pezulluar nga Federata e Futbollit e Polonisë sipas raportimit nga mediumi SVT, por që të dy mund të përballen me pasoja të mëtejshme edhe nga UEFA.
Po ashtu sipas TVP, organi drejtues i gjyqtarëve në Poloni, ka vendosur që të largojë gjyqtarët nga ndarja e drejtësisë në nivelin qendror.
Është ende e paqartë se për sa kohë këta dy gjyqtarë nuk do të kenë mundësi të ndajnë drejtësinë në ndonjë ndeshje, apo nëse kjo e drejtë do t’iu largohet përfundimisht këtë vit.
Raportimi shton se edhe autoritetet e UEFA-s kanë qenë të acaruara nga incidenti i ndodhur.
© SYRI.net
Messin nuk e arrin më, por Ronaldo vazhdon të ndjekë një rekord historik në Botëror
Nis epoka Malagò në futbollin italian, Maldini favorit për postin e drejtorit teknik, trajner...
Francë-Irak (23:00), ‘Gjelat’ synojnë ‘hipotekimin’ e kualifikimitBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
