Shqipëria në aktin e fundit të edicionit të katërt të Ligës së Kombeve, që mund të vlejë ngjitjen në “ajkën” e futbollit evropian: Liga A.
Kuqezinjtë presin Ukrainën në “Air Albania” me dëshirën e madhe për të marrë tri pikët, që minimumi do t’i dërgonte të besuarit e Sylvinhos në play off, duke mbajtur të gjalla shpresat për ngjitjen në Ligën A.
Mund të ndodhë mrekullia që një kombinim rezultatesh t’i katapultojë kuqezinjtë direkt në vendin e parë: Shqipëria fiton me Ukrainën dhe Çeki-Gjeorgji përfundon pa fitues.
Ka edhe një skenar tjetër, më pak i mundshëm, që e çon Shqipërinë në krye të grupit: fiton si Shqipëria dhe Gjeorgjia, por suksesi i kuqezinjve duhet të jetë me tre gola më shumë se i gjeorgjianëve (Gjeorgjia ka golaverazh +2, kurse Shqipëria -1).
Sa i përket formacionit të Shqipërisë, ndryshimi i vetëm pritet të ndodhë në sulm, me rikthimin e Mirlind Dakut në rolin e titullarit në vend të Indrit Tucit, i konsumuar jo pak fizikisht në ndeshjen me Çekinë.
Duke para dhe alternativat e pakta, Sylvinho vështirë të bëjë ndryshime në repartet e tjera: Strakosha në portë, Ismajli e Ajeti në qendër të mbrojtjes, me Balliun e Mitajn nga krahët; Asllani, Ramadani e Laçi në mesfushë, me Seferin e Bajramin në ndihmë të sulmuesit të avancuar Daku.
© SYRI.net
Messin nuk e arrin më, por Ronaldo vazhdon të ndjekë një rekord historik në Botëror
Nis epoka Malagò në futbollin italian, Maldini favorit për postin e drejtorit teknik, trajner...
Francë-Irak (23:00), ‘Gjelat’ synojnë ‘hipotekimin’ e kualifikimitBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
