Inzaghi: Fitore e merituar, i lumtur që e kam skuadrën thuajse të plotë

Simone Inzaghi nuk dëshiron të flasë shumë për problemet në lojën e Interit, i cili ishte me fat që mori tri pikë kundër Venezias.  

“Jam shumë i kënaqur, e merituam fitoren. Na duhej kjo fitore sepse është tepër e rëndësishme për ne pas asaj kundër Empolit.

Duhet të ishim më klinikë, por besoj se kemi pasur një pjesë të parë të shkëlqyer dhe i kam lavdëruar lojtarët gjatë pushimit.

Në pjesën e dytë humbëm formën në 15 minutat e para, por, pasi kaluam në avantazh, e menaxhuam mirë lojën. Është e qartë se në Serinë A ndeshjet janë gjithmonë në ekuilibër, por meritë e Venezias që erdhi këtu dhe bëri një paraqitje të shkëlqyer.”

Rivaliteti: “Ka shumë skuadra të forta që janë forcuar, dhe ne kemi edhe lojtarë me ndikim, por kjo do të jetë një ligë shumë e ekuilibruar. Tani për tani, ne jemi të gjithë afër së bashku me një distancë prej 4-5 pikësh në krye. Këto fitore mund të bëjnë diferencën, por duhet të jemi të kujdesshëm sepse kemi shumë ndeshje në një periudhë të shkurtër. Sot na u khye Calhanoglu, Acerbi do të jetë gati për të mërkurën. Na mungon vetëm Carlos Augusto dhe jam i kënaqur që kam pothuajse të gjithë skuadrën në dispozicion.

Sfida me Napolin dhe më pas Arsenali: “Ndeshja kundër Napolit do të jetë e rëndësishme, por brenda pak ditësh do të përballemi me Arsenalin, i cili është një nga skuadrat më të forta në Evropë”.

© SYRI.net

Lexo edhe:

• Messin nuk e arrin më, por Ronaldo vazhdon të ndjekë një rekord historik në Botëror
• Nis epoka Malagò në futbollin italian, Maldini favorit për postin e drejtorit teknik, trajner...
• Francë-Irak (23:00), ‘Gjelat’ synojnë ‘hipotekimin’ e kualifikimit