José Mourinho nuk u përmbajt pas fitores së çmendur të Fenerbahçes këtë të dielë ndaj Trabzonsporit (3-2). Portugezi nuk ishte i kënaqur, jo me rezultatin, por me gjyqtarët, duke drejtuar gishtin tek ai i VAR-it.
“Nuk e pamë Atilla Karaoglan në fushë, por ai ishte njeriu më i rëndësishëm në ndeshje, duke qenë i padukshëm. Unë flas në emër të të gjithë tifozëve të Fenerbahçes. Nuk e duam. Nuk e duam këtë arbitër, as në VAR, as në fushë”, tha Mourinho, duke kritikuar më pas “sistemin” e Ligës Turke.
😂 José Mourinho's got to start working on his knee-slides... 😭 pic.twitter.com/KynhaVoz0J
— Football Tweet ⚽ (@Football__Tweet) November 3, 2024
“Kemi luajtur kundër kundërshtarëve të mirë, por kemi luajtur edhe kundër sistemit. Kjo është gjëja më e vështirë. Ne luajmë kundër VAR-it, kundër sistemit. Kjo është arsyeja pse ne festojmë kështu. Fituam kundër njerëzve shumë, shumë të fortë”, u ankua portugezi, përpara se të vazhdonte me kritikat ndaj kampionatit.
“Jam i zemëruar me njerëzit e Fenerbahçes që më sollën këtu, më treguan gjysmën e historisë. Po të më kishin thënë të gjitha, nuk do të kisha ardhur në Fenerbahçe”, tha ai.
Së fundi, Mourinho bëri thirrje për një ndryshim strukturor në kampionatin turk:
“Nëse gjërat ndryshojnë, nëse sistemi bëhet më i fortë, fjalët e mia do të zhduken. Ndoshta te Fenerbahçe janë edhe më të vetëdijshëm. Këto gjëra nuk janë të fshehura. Gjyqtari nuk dha asnjë penallti, por Karaoglan mezi priste t’i jepte të dyja penalltitë”.
© SYRI.net
Messin nuk e arrin më, por Ronaldo vazhdon të ndjekë një rekord historik në Botëror
Nis epoka Malagò në futbollin italian, Maldini favorit për postin e drejtorit teknik, trajner...
Francë-Irak (23:00), ‘Gjelat’ synojnë ‘hipotekimin’ e kualifikimitBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
