Shkëlqeu në fitoren e Napolit, Amir Rrahmani përzgjidhet në formacionin e javës në Serie A

Amir Rrahmani dhe Napoli kanë vazhduar shkëlqimin në elitën e futbollit italian Serie A.

Të udhëhequr nga Antonio Conte, Napoli ka mposhtur Leccen me rezultatin minimal 1-0, për të vazhduar kryesimin të vetëm në Serie A.

Një nga më të mirët në këtë sfidë ka qenë edhe kapiteni i Kosovës, Amir Rrahmani. Prishtinasi shkëlqeu në qendër të mbrojtjes së Napolit.

Ai u vlerësua me notën 8,2 nga SofaScore dhe ka zënë vend në formacionin e javës në Serie A.

Përveç Rrahmani në mbrojtje janë edhe Di Lorenzo i Napolit, Mario Kempf i Comos dhe Nuno Tavares i Lazios.

Në mesfushë janë Piotr Zielinski, De Ketelaere, Ademola Lookman, Eduardo Bove dhe Kyriakopoulos, ndërsa në sulm i vetëm është Mario Retegui.

© SYRI.net

Lexo edhe:

• Nis epoka Malagò në futbollin italian, Maldini favorit për postin e drejtorit teknik, trajner...
• Francë-Irak (23:00), ‘Gjelat’ synojnë ‘hipotekimin’ e kualifikimit
• Messi për një tjetër rekord, Argjentina sfidon Austrinë për biletën e fazës me eliminim direkt