Alf-Inge Haaland, babai i lojtarit më të mirë të Manchester City, Erling, u largua nga vendi ku po qëndronte në ndeshjen e mbrëmshme kundër Realit në stadiumin Santiago Bernabeu.
Haaland Sr. u largua nga stadiumi pas golit të barazimit të Kevin De Bruyne për finalen 1-1.
Përpara se rojet e sigurisë ta largonin nga tribuna, Haaland bëri me dorë tifozët vendas dhe në mënyrë provokuese u bëri shenjë se nuk i dëgjonte mirë.
Shumë spekuluan se përse ai u largua nga stadiumi para përfundimit të ndeshjes dhe u përmend gjithashtu se ai ishte nën efektin e alkoolit.
Ok. RM was not happy we were celebrating KDB goal. Other than than that we had to move because RM fans not happy with 1-1 https://t.co/PWpk6EAPUp
— Alfie Haaland (@alfiehaaland) May 10, 2023
Haaland shkoi në Twitter këtë mëngjes dhe shpjegoi anën e tij të historisë.
Ai pretendon se ka festuar vetëm golin e De Bruyne, por kjo ka mjaftuar për ta nxjerrë jashtë tribunës.
"OK. Real Madridi nuk ishte i lumtur që festuam golin e De Bruyne. Përveç kësaj, ne duhej të largoheshim sepse tifozët e Realit nuk ishin të lumtur që ishte 1-1", ka shkruar Haaland.
© SYRI.net
Bëje LIKE dhe merr lajmin e fundit nga Sporti: