Mbrojtësi francez i Bayern Munich, gjithashtu dhe kampion i botës me kombëtaren Franceze në vitin 2018, Benjamin Pavard foli për mikrofonat e medias gjermane ‘’Sport1’’ në lidhje me spekulimet që flasin mbi largimin e tij nga rekordmenët gjermanë.
‘’Kurrë nuk kam thënë se dua të largohem. E di shumë mirë që jam në një klub të madh, një klub i madh me një atmosferë dhe organizim të mrekullueshëm. Ndihem shumë rehat këtu, më pëlqejnë shumë tifozët dhe shpresoj se do të arrijmë shumë gjëra të mëdha këtë sezon’’, – tha mbrojtësi francez.
Ai foli dhe mbi ofertat e Interit dhe Barcelonës në merkaton dimërore që sapo kemi lënë pas, por që u refuzua nga klubi gjerman.
‘’Unë nuk jam nga ata që dorëzohen në mes të një udhëtimi. Qëllimi im ishte padyshim të qëndroja me Bayernin. Jam i vendosur të jap gjithçka për klubin dhe dua të fitoj sa me shumë tituj me këtë ekip’’, e mbylli fjalën e tij Benjamin Pavard.
Mbrojtësi i djathtë këtë sezon ka qenë një pikë e fortë në ekipin gjerman duke pasur performanca fantastike ku shpeshherë ka qenë dhe protagonist.
© SYRI.net
Bëje LIKE dhe merr lajmin e fundit nga Sporti: