Karim Benzema ndihet mjaft i lumtur me fitoren e mbrëmshme ndaj Liverpoolit në të tetën e finales së Ligës së Kampionëve.
Sulmuesi francez kontribuoi me dy gola në fitoren 5:2, krahas dy të tjerave të realizuara nga Vinicius Junior dhe një tjetër të Eder Militaos.
Fituesi i fundit i Topit të Artë ka arritur suksese të jashtëzakonshme në karrierë, por duket se nuk është ngopur.
Përfaqësuesi i deridjeshëm francez synon ta çojë lart përsëri trofeun e Championsit.
“Ishte një natë e rëndësishme, dua t’ia dedikoj këtë paraqitje presidentit tonë të nderit, Amancio. Kjo fitore është për të nga ana e jonë. Luajtëm me personalitet dhe me produktivitet të golit. Duam ta fitojmë prapë Ligën e Kampionëve. I dhamë jetë një loje fantastike edhe për ata që na shikuan. Fillimi ishte i keq, tifozët në Anfield na vunë nën presion, por më pas është parë Real Madridi i vërtetë”, deklaroi fillimisht Benzema.
“Ishim gati përballa një ndeshjeje të madhe, ishim duke humbur 0:2 dhe dëshironim më shumë. Një gol mund të ndryshojë gjithçka dhe kjo ndodhi falë Vinicius. Dua t’i falënderoj tifozët tanë që sonte ishin lojtari ynë i 12-të. Tash na pret një ndeshje e madhe në Bernabeu”, përfundoi sulmuesi francez.
Benzema e shënoi golin e gjashtë kundër Liverpoolit, më shumë se çdo lojtar tjetër në Ligën e Kampionëve.
Francezi i ka shënuar 4 gola veç në “Anfield Road”, më shumë se çdo lojtar tjetër kundërshtar i Liverpoolit në këtë kompeticion
© SYRI.net
Xabi Alonso: Nuk e kemi harruar dhimbjen vitin e kaluar, shkojmë në finale këtë sezon
Rikthim në stolin e Bayern Munich? Reagon Pep Guardiola
Lautaro-Inter/ Rinovim pa klauzolë lirimi, detajt e kontratës së reBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
