Kosovare Asllani do të vijë në Kosovë më 17 shkurt

17:03, 09/02/2023

Futbollistja me famë botërore, Kosovare Asllani do të vijë në Kosovë në ditën e pavarësisë, më 17 shkurt.

Kjo u konfirmua pas një takimi mes kryetarit të FFK-së, Agim Ademit dhe ambasadorit suedez në Kosovë, Jonas Westerlund/

Kosovare Asllani do të qëndrojë në vendin tonë, më 17 shkurt, në rolin e Ambasadores së Shpresës së Mirë të UNICEF-it.

Pritja e futbollistes me preardhje nga Kosova do të organizohet nga UNICEF-i në bashkëpunim me Ambasadën Suedeze dhe FFK-në.

Ajo do të qëndrojë për disa orë në Kosovë sipas agjendës dhe protokollit të UNICEF-it.

Kosovare Asllani aktualisht luan në skuadrën italiane Milan, derisa më parë ishte pjesë e Real Madridit.

Ajo mbron ngjyrat e Kombëtares së Suedisë dhe gjatë karrierës ka shënuar suksese të mëdha.

© SYRI.net

Lexo edhe:

• Lojtarët e Bayern shpërthejnë kundër arbitrave: E turpshme, gjithmonë ndodhin këto gjëra në Madrid
• BILD: Skandal në minutën e 104-të të ndeshjes, Bajernit i mohohet goli
• Del në ankand Topi i Artë që iu vodh Diego Maradonës në vitin1989