Antonio Conte ka konfirmuar se ndërhyrja kirurgjikale për të hequr fshikëzën e tëmthit ka shkuar mirë dhe ka thënë se mezi pret të kthehet në punë, teksa do të kalojë një periudhë rikuperimi.
Trajneri i Tottenham Hotspur është operuar sot në Itali, pasi ishte diagnostikuar me kolecistit (një inflamacion i fshikëzës së tëmthit zakonisht i shkaktuar nga gurët e tëmthit).
53-vjeçari ishte diagnostikuar me këtë gjendje, pasi kishte vuajtur nga dhimbje të mëdha abdominale kur po qëndronte me familjen e tij në Torino, pas fitores në Kupën FA ndaj Prestonit.
Strategu italian e ka publikuar një mesazh në Instagram për të konfirmuar se operacioni ka shkuar mirë dhe i ka falënderuar tifozët për mbështetjen e tyre.
“Faleminderit për mesazhet e bukura. Operacioni im ka shkuar mirë dhe tashmë po ndihem më mirë. Tashmë është koha për t’u shëruar, mezi pres të kthehem në fushë me skuadrën”, ka shkruar Conte.
© SYRI.net
Borxhe dhe bilanc negativ, juventinët duan anulimin e titullit të Interit
Açerbi mbyll para kohe sezonin me Interin, mendjen te Shqipëria në Europian
Pochetino nuk mban përgjegjësi për dështimin e Chelseat: Nuk flas me pronarin prej disa muajshBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
