Kupa e Botës në Katar ka njohur sonte edhe finalisten tjetër të këtij kompeticioni madhor.
Pas suksesit të Argjentinës ndaj Kroacisë mbrëmjen e djeshme sot ishte radha e Francës që të arrinte një fitore madhështore 2-0 kundër Marokut duke prerë kështu një biletë për në finale.
Djemtë e Didier Deschamps e nisën vrrullshëm sfidën, teksa vetëm pas vetëm pesë minutave, Hernadez kaloi “Gjelat” në epërsi. Ishte një sulm i parë i gjatë dhe i rrezikshëm dhe pas goditjes së Mbappes, topi përfundoi te mbrojtësi i Milanit, i cili me një lëvizje akrobatike kaloi Francën në avantazh.
THEO HERNANDEZ WITH A BRILLIANT FINISH🤩#FRAMAR#AllezLesBleus #fierdetresblues
— Tommy Röhan (@Rohan82958064) December 14, 2022
🇨🇵 pic.twitter.com/EgMUgjkJZB
Maroku u hodh në sulm, por Ounahi dhe Ziyech nuk arritën t’i kthenin në gol mundësitë e krijuara.
Më pas ishte Franca që pati dy mundësi për të shënuar, por nuk u treguan të saktë. Fillimisht gjuajtja e Mbappes u ndal nga një maroken te vija e portës dhe më pas Giroud, pasi topi u devijua, gjuajti jashtë portës.
Maroku pati mundësinë më të mirë për të shënuar në fundin e pjesës së parë, por tentativa me roveshatë e Al Yamiq u ndal nga shtylla dhe Lloris. Me këtë rezultat u mbyll fraksioni i parë, ndërsa në të dytin “Luanët e Atlasit” u hodhën sërish në sulm.
Kështu në minutën e 53-të marokenët mund të shënonin, por Konate rrëshqiti në momentin e fundit dhe shpëtoi një gol të pastër.
Marokenët vazhduan të luanin në sulm dhe francezët kërcënuan me kundërsulme. Dhjetë minuta para përfundimit të ndeshjes Kolo Muani zgjidhi çështjen e fituesit. Mbappe u çlirua me mjeshtëri nga tre kundërshtarë dhe i dha topin perfekt Kolo Muanit i cili ishte i vetëm në anën tjetër. Ai nuk e pati një punë të vështirë dhe vetëm e shtyu topin në portën e zbrazët për 2-0 finale dhe kalimin e Francës në finalen e dytë radhazi të Botërorit.
BUT : 🇫🇷 Randal Kolo Muani (79e)
— Emboucaneur_13 (@Emboucaneur_13) December 14, 2022
pic.twitter.com/ljWjspZFVe
Finalja mes Francës dhe Argjentinës do të luhet të dielën me fillim nga ora 16:00, ndërsa në të njëjtën orë një ditë më parë Maroku dhe Kroacia do të luajnë një ndeshje për vendin e tretë.
© SYRI.net
Bëje LIKE dhe merr lajmin e fundit nga Sporti: