PSG tregon dhëmbët që në startin e sezonit. Kampionia në fuqi e Francez shkatërroi 4-0 Nantes në finale e Superkupës së Francës, trofe që e fiton për herë të 11-të në histori.
Edhe pa Mbappenë në formacion, trajneri Galtier kishte në dispozicion mjaft “yje”, si Messi e Neymar, për të dominuar ndaj një kundërshtari ndjeshëm më inferior.
Lionel Messi shënon golin e parë të PSG-së në sezonin e ri futbollistik.
“Ylli” argjentinas nuk fali përballë portierit të Nantes në finalen që u zhvillua në “Bloomfield Stadium” të Tel-Avivit, Izrael.
Në minutën e 22-të, “Pleshti” përfitoi nga asistimi perfekt i Neymarit dhe pasi shmangu edhe portierin, e dërgoi topin në rrjetë.
Pak sekonda para se të mbyllej pjesa e parë, Neymar realizoi një supergol nga goditja e lirë.
Spektakli i parizienëve vijoi më tej me golin e Sergio Ramos në minutën e 58-të.
PSG nuk i kishte mbyllur llogaritë, me Neymar që realizoi golin e dytë personal në minutën e 83-të me 11-metërsh.
© SYRI.net
Bëje LIKE dhe merr lajmin e fundit nga Sporti: