Skuadra e Manchester United filloi përgatitjet për sezonin e ri me shumë motivim dhe në debutimin e trajnerit të ri Erik ten Hag, shënoi tre gola në 45 minutat e para kundër Liverpool-it, duke paralajmëruar gjëra të mëdha në epokën e re të klubit, teksa në fund fitoi 4-0.
Pas vetëm 13 minutash, Sancho kaloi në epërsi Djajtë e Kuq dhe menjëherë pas kësaj, në minutën e 30-të, Fred shënoi golin e dytë dhe në këtë mënyrë dyfishoi epërsinë e skuadrës nga Old Trafford.
Pjesa e parë e shkëlqyer e Manchester United u kurorëzua me golin e Martial në minutën e 33-të, pas një përballje të shkëlqyer me portierin Alisson.
Duke marrë parasysh paraqitjen shumë të dobët të lojtarëve të tij, Klopp bëri nëntë ndryshime në minutën e 32-të dhe duhet thënë se Alisson, Henderson, Firmino dhe Diaz ishin ndër yjet më të mëdhenj në formacionin e parë.
Nga ana tjetër, United e nisi ndeshjen me një formacion shumë më të fortë dhe me siguri kjo është arsyeja për një paraqitje kaq bindëse në pjesën e parë.
Në fund rezultati përfundimtar ishte 4-0 për Manchester United, teksa Pellistri shënoi gol në minutën e 76-të.
© SYRI.net
Robin Krasniqi sonte rikthehet në ring, përballet me boksierin portugez
VIDEO/ Ronaldo shënon tripletë në fitoren e thellë të Al Nassr
Ngjarja katastrofike/ Si një aksident ajror zhduku një nga skuadrat e mëdha të futbollit italianBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
