Kilyen Mbape është gati të firmosë për Realin e Madridit, duke nisur që nga sezoni i ardhshëm, por paraprakisht ai i ka vënë një kusht themelor klubit madrilen. Ai kërkon që në krye të ekipit të jetë tekniku gjerman i Liverpulit, Jurgen Klop.
Ka qenë gazeta britanike “Daily Express” që ka bërë me dije se sulmuesi francez është i predispozuar për t’iu bashkuar Realit, por ai nuk ka ndërmend të punojë me trajnerin Carlo Ancelotti.
Pavarësisht se tekniku italian po bën një punë mjaft të mirë me Realin, kjo nuk është e mjaftueshme për francezin e PSG-së që t’i bashkohet klubit “mbretëror”.
Ai preferon një trajner të ri dhe me një stil loje shumë më ndryshe dhe ai që plotëson kushtet është tekniku i Liverpoolit, Jurgen Klopp.
Në fakt, gjatë merkatos është folur shumë edhe për një interesim të Liverpoolit për Mbapenë.
Por sulmuesi francez e ka bërë të qartë se pavarësisht dëshirës së tij për të punuar me Klopp, ai nuk ka ndërmend ta ndjekë teknikun gjerman te Liverpooli.
Përkundrazi, ai dëshiron të punojë me gjermanin, por nëse ky i fundit do të jetë trajneri i ri i Realit të Madridit.
Reali i Madridit bëri gjithçka në verë për të marrë Mbapenë nga PSG-ja, por pa mundur, pavarësisht se në tavolinën e drejtuesve të Parisit ishin plot 200 milionë euro.
Me sa duket, Reali e ka shtyrë për në janar firmën me sulmuesin francez. Por pa plotësuar tekat e tij, që kanë të bëjnë me stolin e Realit.
Mediat spanjolle kanë bërë me dije se në Madrid e kanë hedhur poshtë një gjë të tillë, por si gjithnjë klubi spanjoll është treguar tepër diplomatik në reagimin e tij.
Natyrisht nuk flasim për qëndrim zyrtar, por sipas “Defensa Central”, burime nga klubi i Realit kanë bërë me dije se në adresë të tyre nuk ka ardhur asnjë kërkesë nga Mbapenë, për preferencat e tij për trajnerin e “Los Blancos”. “E gjithë kjo është një sajesë. Mbape nuk është nga ata lojtarë që vjen për të vënë kushte në Madrid”.
© SYRI.net
Spektakël në 'Allianz Arena', Real Madrid barazon shifrat
Bayern Mynih-Real Madrid, bukuroshja shqiptare shfaqet në 'Allianz Arena'
'Ky është vetëm fillimi', Luis Enrike para sfidës me Dortmund: Do të ketë shumë gola Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
