Java e 33-të e Kategorisë Superiore do të vijojë edhe sot me tri ndeshjet e tjera.
Dy do të luhen në orën 15:00 dhe në 19:00 është derbi i kryeqytetit.
Në 15:00, Egnatia dhe Vllaznia do të përballen sërish së bashku, ashtu si në mesjavë në Kupë, por me ndryshimin se sfida do të luhet në Rrogozhinë.
Vendi i parë pret të dytin, me Egnatian që duket komode në krye e shkëputur me 8 pikë.
Për Vllazninë, sot debuton në stol trajneri Bërdaric.
Po në orën 15:00, Kukësi, tashmë finalist i Kupës, pret Teutën.
Verilindorët vetëm matematika i mban në lojë për mbijetesë.
Ndërsa durrsakët duan fitoren për të shmangur pozicionin e play-out-it.
Java e 33-të do të mbyllet me derbin Tirana-Partizani.
Një sfidë jetike për bardheblutë, që duan zonën “Final 4”, ndërsa nga ana tjetër, të kuqtë vijnë disi më komodë, por gjithsesi, ende nuk e kanë siguruar pjesëmarrjen mes katër skuadrave më të mira.
© SYRI.net
Bëje LIKE dhe merr lajmin e fundit nga Sporti: