Myrto Uzuni nuk ndalet më. Sulmuesi i përfaqësueses shqiptare ka lënë pas krahëve formën e dobët që kushtëzoi paraqitjet e tij një muaj më parë dhe tani po gjen me një rregullsi të admirueshme rrjetën.
Sot, ai ka shënuar në takimin e katërt radhazi në të gjithë kompeticionet, duke u konfirmuar në një formë të admirueshme.
Por këtë radhë, dygolëshi i tij kishte një shije më të veçantë, pasi ktheu në kreun e klasifikimit Ferencvaroshin.
Skuadra kampione në fuqi e Hungarisë ndeshej sot me Kisvardën e cila në javët e para të edicionit kishte çuditur të gjithë duke krijuar një shkëputje.
Pritej një ndeshje e luftuar e ashtu ka qenë, pasi pavarësisht golit të avantazhit të Ferencvarosh që në start, ekipi vendas ku luante titullar Herdi Prenga, me Asanin në stol, i bëri rezistencë kampionëve.
Prenga gjeti edhe golin, por ai iu anulua me një vendim të diskutueshëm të VAR në fundin e pjesës së parë.
Në pjesën e dytë, kartoni i kuq i Mateus për Kisvardën i dha mundësinë Ferencvaroshit të dominonte dhe nisi spektakli i Uzunit, i cili shënoi dy gola shumë të bukur në minutat 70 dhe 90, ndërsa edhe goli i Marin dërgoi rezultatin përfundimtar në 4-0 për Ferencvarosh, që kthehet në vendin e parë.
Uzuni arriti kështu kuotën e 5 golave pas vetëm 11 ndeshjeve të luajtura në një sezon ku duket se mund të thyejë rekordet personale sa i përket shënimit të golave në kampionat.
© SYRI.net
Spektakël në 'Allianz Arena', Real Madrid barazon shifrat
Bayern Mynih-Real Madrid, bukuroshja shqiptare shfaqet në 'Allianz Arena'
'Ky është vetëm fillimi', Luis Enrike para sfidës me Dortmund: Do të ketë shumë gola Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
