“Sipas informacioneve tona, Alex Frei është trajneri i preferuar për të zënë vendin e Bernard Challandes në krye të ekipit të Kosovës”, kështu shkruan gazeta zvicerane “Blick”.
Në artikullin e publikuar gjatë ditës së premte, prestigjiozja zvicerane shkruan se ish-sulmuesi i kombëtares së Zvicrës është një kandidat kryesor për të qenë trajner i Kosovës.
Kryetari i Federatës së Futbollit të Kosovës, Agim Ademi, i cili aktualisht gjendet në Zvicër, sipas tyre është duke negociuar me trajnerin 42-vjeçar.
Sipas burimeve të Albanian Post, i pari i FFK-së gjendet në Zvicër, i cili ka takuar futbollistë të rinj nga Kosova, të cilët janë duke zhvilluar një kamp stërvitor në qytetin e Wil-it.
Kujtojmë që Frei aktualisht është trajner i skuadrës së Wil-it, e cila garon në kategorinë e dytë të futbollit zviceran.
Në karrierën e tij si futbollist, ai ka luajtur në skuadra të njohura si: Borussia Dortmund, Rennes, Basel, Luzern, etj.
Derisa ai ka luajtur edhe për kombëtaren e Zvicrës në 84 ndeshje zyrtare, ku ka realizuar 42 gola.
© SYRI.net
Robin Krasniqi sonte rikthehet në ring, përballet me boksierin portugez
VIDEO/ Ronaldo shënon tripletë në fitoren e thellë të Al Nassr
Ngjarja katastrofike/ Si një aksident ajror zhduku një nga skuadrat e mëdha të futbollit italianBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
