Lojtarët e Bayern fituan Superkupën e Gjermanisë kundër Borussia Dortmund me rezultatin 3: 1. Mirëpo, pas përfundimit të ndeshjes u pa një skenë interesante, teksa sulmuesi norvegjez Erling Haaland shkoi në tribuna dhe i dha një fëmije fanellën e tij.
Kështu, djaloshi kishte ardhur në ndeshje me një pankartë të vogël në dorë, në të cilin kishte një mesazh të shkruar për Haaland.
"Përshëndetje Erling, a mund ta kem fanellën tënde? Është datëlindja ime nesër. Faleminderit shumë," lexohej në pankartë, të cilën superylli norvegjez e vuri re.
Edhe pse ai nuk kishte shumë arsye për të qenë i lumtur pas ndeshjes, Haaland bëri një gjest të mrekullueshëm. Ai i kapërceu reklamat, shkoi në tribuna dhe personalisht ia dha fanellën vogëlushit që nuk mund ta besonte dhe të fshihte entuziazmin.
Tifozët e Borussia e shpërblyen Haaland me duartrokitje, dhe video u përhap shpejt në rrjetet sociale.
© SYRI.net
Bëje LIKE dhe merr lajmin e fundit nga Sporti: