“Telashet e vërteta për Kombëtares e Italisë fillojnë menjëherë pas fitores të vështirë kundër Austrisë”, sipas Antonio Cassanos.
Në çerekfinale, Italia do të përballet me fituesin e duelit Belgjikë-Portugali dhe Cassano beson se ky do të jetë një test i mirëfilltë për të kaltrit.
“Tani fillojnë problemet e vërteta për Italinë. Portugalia apo Belgjika në çerekfinale dhe pastaj Spanja apo Franca në gjysmëfinale”, tha Cassano.
“Suksesi kundër Austrisë ma kujton ndeshjen kundër Australisë më 2006: ndeshja më e keqe e këtij ekipi kombëtar. Tani mund vetëm të përmirësohemi”, shtoi ai.
Cassano thurr elozhe për trajnerin Roberto Mancini për ndryshimet taktike në pjesën e dytë, pasi Federico Chiesa dhe Matteo Pessina u futën në lojë nga stoli dhe shënuan për ta mbajtur Italinë në Euro 2020.
“Mancini bëri kryevepër me dy ndryshime, por nuk u pajtova me lënien në stol të Manuel Locatellit”, nënvizoi ai.
Ish-sulmuesi i Interit dhe Milanit, Antonio Cassano shënoi 10 gola në 39 paraqitje për Italinë, mori pjesë në tri Euro, nga 2004 deri më 2012, para se të mbyllte karrierën.
© SYRI.net
Sonte dueli i tretë gjysmëfinal mes Pejës e Yllit, therandasit një fitore larg finales
Borxhe dhe bilanc negativ, juventinët duan anulimin e titullit të Interit
Açerbi mbyll para kohe sezonin me Interin, mendjen te Shqipëria në EuropianBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
