Kombëtarja e Kosovës e ka zhvilluar seancën e parë stërvitore në stadiumin “Fadil Vokrri” në Prishtinë, në kuadër të përgatitjeve për dy ndeshjet miqësore të fillimqershorit, kundër San Marinos, më 1 qershor në Prishtinë dhe kundër Maltës, më 4 qershor, Klagenfurt të Austrisë.
Në stërvitje ishin të pranishëm 20 futbollistë, derisa tre të ftuarit e tjerë të këtij grumbullimi Bashkim Ajdini, Astrit Selmani dhe Herolind Shala, do të bashkohen me ekipin të enjten, pasi janë ende të angazhuar në klubet e tyre.
Për herë të parë pjesë e Dardanëve në këtë grumbullim ishin Destan Bajselmani, anëtar i PEC Zwolles, Blendi Idrizi, anëtar i Schalke 04 dhe Lorik Emini, anëtar i Luzernit.
Dardanët gjatë muajit qershor do t’i zhvillojnë katër miqësore, por për dy ndeshjet në Antalia kundër kombëtareve afrikane, Guinesë dhe Gambisë, përzgjedhësi Challandes do ta publikojë listën e futbollistëve javën e ardhshme.
Stërvitja e radhës e Dardanëve mbahet sot në orën 17:30 (15 minutat e para janë të hapura për media).
© SYRI.net
UEFA zbulon ekipin ideal të gjysmëfinaleve të para të Championsit
Marquinhos: Bëmë gabime, por në Paris mund ta përmbysim Dortmundin
Hummels: Jemi shumë afër finales së ChampionsitBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
