Theo Hernandez ruan pathyeshmërinë e Milanit, që vijon nga muaji mars në Serinë A.
Mbrojtësi 23-vjeçar francez realizoi dy gola në pjesën e dytë për kuqezinjtë në sfidën me Parmën, duke shmangur humbjen në kohën shtesë, teksa ndeshja u mbyll 2-2.
Deri në minutën e 58-të, në mënyrë befasuese, emilianët kryesonin 0-2 me gola të Hernanit (13’) dhe Kurtic (56’), teksa Calhanglu dhe Brahim Diaz ishin ndalur nga traversa.
Pa Ibrahimovicin në sulm, golat e kuqezinjve i mori përsipër një mbrojtës, si Hernandez, që të parin e realizoi në zhvillimet e këndores në minutën e 58-të, ndërsa finalizimin që shmangu humbjen e “Djallit” francezi e sigloi në kohën shtesë, pasi portieri Sepe sapo kishte ndalur një gol të sigurt.
Një barazim që vlen shumë më tepër se një pikë për Milanin (për mënyrës se si shkoi loja), i cili mbetet në krye të Serisë A me 27 pikë, tri pikë më shumë se Interi, që është ndjekësi më i afërt.
© SYRI.net
Borxhe dhe bilanc negativ, juventinët duan anulimin e titullit të Interit
Açerbi mbyll para kohe sezonin me Interin, mendjen te Shqipëria në Europian
Pochetino nuk mban përgjegjësi për dështimin e Chelseat: Nuk flas me pronarin prej disa muajshBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
