Komisioni disiplinor ka marrë vendim që të ndëshkojë Federico Chiesan me një ndeshje pas kartonit të kuq ndaj Crotones.
Mesfushori bëri debutimin e tij te Juventusi, duke asistuar në golin e Alavro Moratas, para se të përjashtohet me kartonin e kuq në ndeshjen e zhvilluar në stadiumin “Ezio Scida”.
Në krahun tjetër, Komisioni Disiplinor ka marrë vendim që të ndëshkojë edhe portierin e Torinos, Vanja Milinkovic-Savic me gjobë 10 mijë euro dhe me një ndeshje pezullim.
Mediat në Itali njoftojnë se 23-vjeçari i cili ishte pozicionuar në stolin rezervë iu afrua fushës në një mënyrë arrogante. Kjo gjë më pas pasoi me ndëshkimin e tij me dhjetë mijë euro dhe me një ndeshje pezullim.
Kurse, Juventusi nuk do të mund të llogarisë në Chiesan për takimin ndaj Veronas.
© SYRI.net
Bëje LIKE dhe merr lajmin e fundit nga Sporti: