190 persona janë raportuar të zhdukur në Kosovë brenda 10 muajve

Janë 190 raste të personave të zhdukur që janë raportuar në Policinë e Kosovës për 10 muaj të vitit 2019.

Rasti i fundit është i Remzije Mustafës, 59 vjeçares nga Prishtina e cila është raportuar si e zhdukur që nga data 6 nëntor.

Ajo është duke u kërkuar nga familjarët dhe policia. Por, edhe pas gjashtë ditëve si e zhdukur, nuk ka ndonjë informacion për vendndodhjen e saj.

I pyetur për këto raste, Policia e Kosovës thotë se në rastet më të shpeshta personat e zhdukur lajmërohen se ku ndodhen.

Sipas policisë, shumica e rasteve janë kur personat largohen nga shtëpia pa lajmëruar familjarët.

“Në shumicën dërmuese të rasteve pas pak ditësh gjendet se ku është ,,personi i zhdukur”, pra shumë nga to janë thjeshtë raste të largimeve nga shtëpia për shkaqe të ndryshme pa lajmëruar familjarët”.

Krahasuar me vitin e kaluar, këtë vit deri me datën 20.10.2019 janë raportuar 57 raste më pak se gjatë vitit 2018.

Sipas policisë në vitin 2018 janë raportuar 247 raste të personave të zhdukur.

“Policia, gjatë këtij viti ( 2019) deri më 28.10.2019, ka iniciuar rreth 190 raste të tilla, ndërsa gjatë 2018 kanë qenë ë raportuara 247 raste”, thuhet në përgjigjen e zyrës së mediave në Policinë e Kosovës.

© SYRI.net

Lexo edhe:

• Jepen mendime për Ligjin për Shërbime Sociale dhe Familjare
• Ja kush do ta pajisë me CT Spitalin e Ferizajt
• Shi e borë në Kosovë