Mjeku Altin Kuqo, ka lëshuar akuza të rënda ndaj shefes së Infektivit Najada Çomo, në lidhje me vdekjen e babait të tij, neurologut të njohur Ali Kuqo, i cili ndërroi jetë disa ditë më parë në këtë spital si pasojë e Covid.
Kuqo, akuzon shefen e spitalit Infektiv, se ka refuzuar të mjekojë babain e tij Ali Kuqo dhe për këtë ai disponon të gjitha provat.
Deklarimin Altin Kuqo e ka bërë poshtë sqarimit të Ministrisë së Shëndetësisë mbi denoncimin e dy motrave që edhe ato humbën babain e tyre.
Djali i mjekut të njohur zbulon se babait të tij i është refuzuar shërbimi në spitalin Infektiv nga drejtoresha Najada Çomo.
“Babait tim profesor i nderuar i Neurologjise dhe ish mjek i QSUNT dhe mua si mjek qe punoj ne QSUNT na u refuzua sherbimi prane spitalit Covid 1 nga shefja Najada. Dhe une disponoj te gjitha provat e refuzimit te sherbimit prej saj”– ka shkruar djali i tij poshtë sqarimit që Qendra Spitalore Universitare “Nënë Tereza” Tiranë.
© SYRI.net