Çmimet me pakicë të eurodizelit dhe vajit ekstra të lehtë për amvisëri rriten për 0,50 denarë dhe prej sonte në mesnatë do të jenë 49,50 denarë për një litër, përderisa i benzinave EUROSUPER BS-95 dhe EUROSUPER BS-98 rriten për dy denarë.
Çmimi me pakicë i EUROSUPER BS-95 do të jetë 60,50 denarë për një litër, ndërsa i EUROSUPER BS-98 do të jetë 62,50 denarë, bëri të ditur Komisioni Rregullator për Energjetikë.
Sipas KRRE-së, çmimi me pakicë i mazutit rritet për 0,762 denarë dhe do të jetë 25,311 denarë për një kilogram.
“Vendimi për rritjen e çmimeve të derivateve të naftës është rezultat i rritjes së çmimeve të bursave te te gjitha derivatet e naftës në javën e kaluar.
Shkaku kyç për këtë trend janë efektet negative nga uragani Sali në Amerikë, për shkak të së cilit nga e mërkura e kaluar janë mbyllur rafineritë në Meksikë, me çka është ndërprerë prodhimtaria, ndërsa rezervat janë në minimum.
Nga ana tjetër, në këtë periudhë kërkesa nga derivatet e lehta është rritur, ndërsa për shkak të ofertës së kufizuar gjatë javës së kaluar në bursat botërore janë regjistruar rritje e dukshme e fraksioneve të benzinave dhe lubrifikantë të rëndë”, tha kryetari i KRRE-së, Marko Bislimovski
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
