Suzana Pavljeviç, tezja e Lusinda Garunjës, që humbi jetën dje në aksidentin e ndodhur në dalje të tunelit të rrugës Elbasan-Tiranës, ka lënë një mesazh mjaft prekës për mbesën e saj.
Ajo shkruan se dje i kishte uruar ditëlindjen ndërsa sot shkoi në botën tjetër.
“Ylli tezes dje ta uroj tezja ditelindjen; sot ja ke coptuar zemren tezes; ylli tezes do te mbetesh gjithmon ne zemren time; sot shkove ne boten tjeter o engjell i bukur qofsh lule ne xhehnet” shkruan Suzana Paljevic.
Katër vajzat po udhëtonin drejt Korçës në momentin kur ndodhi aksidenti tragjik.
Behar Pema, shoferi i automjetit tip ”Benz” që goditi nga pas makinën ku udhëtonin katër vajzat ka qenë duke udhëtuar me shpejtësi 160 km në orë.
Sipas ekspertëve auto-teknikë ai nuk ka frenuar, pasi gjatë ekspertimit në vendin e ngjarjes nuk ka pasur shenja frenimi. Pema rezultoi i dehur në testin e alkoolit të kryer menjëherë pas ngjarjes dhe u vu në pranga nga uniformat blu.
© SYRI.net