Emigranti: Në ’90 protestoja kundër regjimit dhe babait të Edi Ramës, sot po protestoj kundër Ramës

Eduard Kaca, një emigrant shqiptar që jeton prej 36 vitesh jashtë vendit, mori fjalën në protestën qytetare para Kryeministrisë, duke kujtuar se ishte pjesë e lëvizjeve kundër regjimit komunist në korrik të vitit 1990.

Ai tha se, pas më shumë se tre dekadash, është rikthyer sërish në protestë, këtë herë për të kërkuar largimin e kryeministrit Edi Rama.

Në fjalën e tij, Kaca akuzoi Ramën se ka marrë peng Shqipërinë dhe Partinë Socialiste, duke theksuar se vendi ka nevojë për ndryshim, ndërsa socialistët kanë nevojë për reformim.

Ai i bëri thirrje kryeministrit të largohet sa më parë dhe u shprehu mbështetje qytetarëve të mbledhur në protestë.

Emigranti: Përshëndetje të gjithëve. Jam Eduard Kaca dhe sot jam këtu si qytetar i lirë nga diaspora.

Për ironi të fatit, edhe unë... bëj 36 vite që unë jam larguar nga Shqipëria me 2 korrik 1990.

Atëherë, unë dhe shokët e mi protestonim kundër Enver Hoxhës dhe babait të Edi Ramës.

Kthehem pas 36 vitesh dhe protestoj përsëri kundër Edi Ramës.

Edi Rama duhet të zbresë nga deliri i madhështisë.

Edi Rama... Edi Rama duhet të largohet sa më parë. Të lirojë Shqipërinë që e ka marrë peng.

Të lirojë Partinë Socialiste, të cilën e ka marrë peng.

Partia Socialiste ka nevojë të reformohet.

Përqafime të gjithëve. Përqafime të gjithëve.

© SYRI.net

Lexo edhe:

• 'Rama jepe dorëheqjen'/ Shqiptarët në Milano sërish në protestë
• Berisha: Çdo demokrat të bashkohet me këtë protestë, me një kusht, jo si militant, por si qytetar
• ‘Kam bërë 3 mijë kilometra që të vij këtu’, protestuesit nuk i heqin çadrat dhe përplasen me policinë