SYRI TV/ Berisha: Largimi i gjyqtares Bejtja, puç kushtetues - Sadushi zbaton kodin e mafies

Lideri i opozitës Sali Berisha e cilësoi ndërprerjen e mandatit të gjyqtares Sonila Bejtja si një puç kushtetues. Kryedemokrati akuzoi Presidentin Bajram Begaj dhe kreun e Gjykatës së Lartë Sokol Sadushi si autorë të aktit më skandaloz të jurisprudencës shqiptare.  Sipas tij, ky vendim shënon ‘rënien e plotë të institucioneve kushtetuese dhe fundin e shtetit të së drejtës’, pasi gjyqtarja Bejtja u shkarkua vetëm se ishte një zë i pavarur. Në konferencën për shtyp Lideri opozitar dënoi edhe një herë refuzimin e Edi Ramës për të dënuar me rezolutë gjenocidin serb në Kosovë, e sipas tij, kryeministri po vepron për llogari të Aleksandër Vuçiç kundër interesave të shqiptarëve.

Syri tv

Lideri i opozitës Sali Berisha  e cilësoi shkelmim flagrant të ligjit organik të Gjykatës Kushtetuese vendimin e kësaj gjykata për  ndërprerjen e mandatit të gjyqtares Sonila Bejtja.  Në konferencën me gazetarët, Berisha akuzoi anëtarët e Kushtetueses se me vendimin  për ndërprerjen e mandati9t të koleges së tyre janë vënë në shërbim të interesave të maxhorancës, dhe asaj që e cilëson si monstra sorosiane e drejtësisë. Berisha theksoi se ky vendim bie ndesh me Kushtetutën dhe me opinionet e Komisionit të Venecias.

Berisha tha ese PD dënon me forcë vendimin e Kushtetueses duke e cilësuar atë edhe si një provë të qartë të kapjes së institucioneve, dhe përpjekje për të shuar zërat e pavarur në gjykatë

Krydemokrati  akuzoi drejtpërdrejt Sokol Sadushin dhe presidentin Bajram Begaj  si autorët të asaj që e cilëson si puçi kushtetues për largimin e gjyqtares Bejtja

Berisha nuk kurseu akuzat e forta ndaj Presidentit Bajram Begaj për shkelje flagrante të Kushtetutës, dhe ushtrimin e veprimtarive  në klinikë private, ndërsa I bëri thirrje Urdhrit të Mjekut ti heqë diplomën

Në komunikimin  me gazetarët Berisha dënoi mosvotimin e rezolutës për gjenocidin serb, duke hedhur akuza se Ramën e ndalon  Aleksandër Vuçiç të miratojë një akt të till

Berisha renditi edhe veprimet antikombëtare të Ramës ndaj Kosovës, duke e cilësuar atë po aq armik, sa vetë Vuçiçi

Një mesazh lideri i opozitës kishte edhe për ndeshjen Shqipëri Serbi dhe për thirrjet ‘Berisha’ në stadiumin serb.

© SYRI.net

Lexo edhe:

• Emigranti: Në ’90 protestoja kundër regjimit dhe babait të Edi Ramës, sot po protestoj kundër Ramës
• 'Rama jepe dorëheqjen'/ Shqiptarët në Milano sërish në protestë
• Berisha: Çdo demokrat të bashkohet me këtë protestë, me një kusht, jo si militant, por si qytetar