Nënkryetari i Këshillit Bashkiak të Tiranës, Dorian Teliti, ka reaguar përmes një postimi në Facebook duke kërkuar thirrjen e menjëhershme të Kryesisë së Këshillit Bashkiak. Ai theksoi se mbledhja duhet të zhvillohet urgjentisht sot, në mënyrë që procedura e shkarkimit të kryebashkiakut Erion Veliaj të bëhet në përputhje me ligjin.
Sipas Telitit, procesi duhet të nisë me dëgjesën e Veliajt në Këshill dhe të respektojë të gjitha rregullat proceduriale.
Ai paralajmëroi se çdo devijim apo shkelje ligjore mund të rëndojë nesër mbi qytetarët e Tiranës me fatura dëmshpërblimi që arrijnë deri në qindra mijëra euro.
“Shkarkimi i Veliaj duhet të ndodhë sa më shpejt, por gjithmonë duke respektuar procedurën ligjore”, theksoi Teliti.
Postimi i plotë:
Kryesia e Këshillit Bashkiak duhet të mblidhet URGJENTISHT SOT për të garantuar që procedura e shkarkimit të Erion Veliajt të zhvillohet në përputhje me ligjin (duke filluar nga e dëgjesa e tij në mbledhjen e Këshillit).
Çdo shkelje/devijim nga rregullat ligjore do të rëndojë nesër mbi qytetarët e Tiranës me faturë dëmshpërblimi prej qindra mijëra eurosh si pasojë e shkeljeve proceduriale.
Shkarkimi i Veliaj duhet të ndodhë sa më shpejt, por gjithmonë duke respektuar procedurën ligjore.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
'Parlamenti i krimit!'/ Protestuesit ndalojnë para godinës së parlamentit, kërkojnë dorëheqje
Emigranti: Në ’90 protestoja kundër regjimit dhe babait të Edi Ramës, sot po protestoj kundër Ramës