Detaje të reja nga zjarri në tregun e Durrësit: Shkrumbohen plotësisht mbi 20 dyqane, dëme të mëdha materiale

Një zjarr i fuqishëm përfshiu pasditen e djeshme tregun ambulant në lagjen 13 të Durrësit, duke shkrumbuar pothuajse të gjithë territorin e tij.

Më shumë se 20 dyqane të ndërtuara me struktura llamarine u dogjën plotësisht, ndërsa flakët u përhapën me shpejtësi, duke lënë pas dëme të mëdha materiale.

Zjarri përfshiu gjithë zonën në pak minuta, duke krijuar panik mes tregtarëve dhe banorëve, ndërkohë që tymi i dendur e bëri të vështirë ndërhyrjen.

LEXO EDHE: Zjarri në tregun e Durrësit/ Tregtarët akuzojnë autoritetet: Siç i patëm ato 5 lekë, na u bënë shkrumb e hi

Pavarësisht mbërritjes së forcave zjarrfikëse, dëmet ishin të pakthyeshme dhe shumica e mallrave u dogjën plotësisht.

Banorët dhe tregtarët akuzojnë autoritetet për reagim të vonuar dhe mungesë kontrolli, duke theksuar se kjo është pasojë e një neglizhence të përsëritur.

"Siç i patëm ato 5 lekë, na u bënë shkrumb e hi, nuk e di çfarë do bëjmë me jetën tonë, janë djegur me miliona lekë.I kemi akoma lekët e mallit borxh pa larë në Tiranë, ata nuk duan t’ja dinë, duan lekët e mallit që kemi marrë, kështu do qofshim"- thanë tregtarët për mikrofonin e Syri TV

Ndërkohë, pronari i tregut është proceduar sot në gjendje të lirë, ndërsa hetimet për shkaqet e zjarrit janë në vijim.

Pamje të ardhura në redaksinë e Syri Televizon:

© SYRI.net

Lexo edhe:

• SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
• Berisha-protestuesve: Rrethimi epik i epiqendrës së krimit, arritje historike! Edi Rama i pashpresë
• ‘Diaspora është me ju 100%’, shqiptaro-kanadezi: Zgjidhja për Shqipërinë është në këtë protestë - SHORTS