Deputetja e zgjedhur e PD-së për Qarkun Tiranë, Albana Vokshi, në një lidhje direkt nga Strasburgu në emisionin ÇIM PEKA LIVE, tha se PS në krahasim me vitin 2021 dhe 2023 ka zgjeruar rrjetin e patronazhimit dhe shpërdorimin e burimeve shtetërore publike.
Vokshi tha se ditën e sotme në Strasburg i prezantoi para Asamblesë Parlamentare të Këshillit të Europës të gjithë rrjetet e drogës se ku ishin vendosur dhe çfarë kandidatë mbulonin.
“Meqenëse do të debatohej raporti në seancë për zgjedhjet ishte në rendin e ditës që unë të bëja një informim për të gjithë deputetët, të grupit të EPP-së. Pata mundësinë që të informoja një prezantim në Power Point. I kam informuar për shtyllat kryesore të shkeljeve zgjedhore në Shqipëri. U ndala jo vetëm në shpërdorimin e burimeve financiare por dhe humane. Jo vetëm në keqpërdorimin e rrjeteve të patronazhimit. Gjithashtu pata mundësinë që të ndalesha më në detaje tu shpjegoja pjesën e përfshirjes të krimit, pra në këndvështrimin tim, unë besoj që të gjithë ne e kemi prekur ndryshe nga zgjedhjet e tjera. Ku në 2021 dhe 2023 PS përsëri ka pasur rrjete patronazhimi, tani e ka më të sofistikuar dhe ka më shumë patronazhistë seç kishte në 2021 dhe 2023. I ka keqpërdorur burimet shtetërore publike po në asfalte, në tendera dhe licensa e të tjera. U ndala dhe i shpjegova qartazi ku ishin vendosur rrjetet e drogës, ku ishin të vendosura kartelet, çfarë mbulonin, cilët kandidatë.” tha Vokshi.
Ajo shtoi se raporti që PD i paraqiti Këshillit të Evropës, janë të njëjtat shqetësime që hasi OSBE/ODIHR.
“Raporti është i shkruar paraprakisht dhe pak a shumë janë të njëjta që ka shkruar dhe OSBE/ODIHR, Këshilli i Evropës asnjëherë nuk shkon në detaje siç shkon OSBE/ODIHR. Është OSBE ODIHR institucioni ombrellë i cili ka përgjegjësinë kryesore që të flasin në emër të komisioneve, për raportin e përbashkët. Siç foli në datën 12 me emër.” shtoi Vokshi.
© SYRI.net
SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
Berisha-protestuesve: Rrethimi epik i epiqendrës së krimit, arritje historike! Edi Rama i pashpresë
‘Diaspora është me ju 100%’, shqiptaro-kanadezi: Zgjidhja për Shqipërinë është në këtë protestë - SHORTS
Denonco
Merrni lajmet më të fundit nga SYRI.net në çdo moment dhe kudo që të jeni!
