Vasili: Narko-KQZ e kriminalizuar, nuk njeh zarfat e Diasporës pa firmë, por njeh votat e manipuluara dhe SPAK hesht!

Deputeti i PL, Petrit Vasili, ka reaguar ashpër në rrjetin e tij social në Facebook ndaj Komisionit Qendror të Zgjedhjeve, duke e akuzuar për kriminalizim të procesit zgjedhor dhe manipulim të votës së diasporës.

Vasili e cilëson KQZ-në si “Narko-KQZ” dhe e akuzon se ka njohur vota të manipuluara, ndërkohë që ka refuzuar të pranojë zarfet e ardhura pa firmë. Sipas tij, zgjedhjet janë të pavlefshme dhe SPAK po mban qëndrim të heshtur, duke bërë “pazare” me qeverinë në vend që të hetojë krimin zgjedhor.

Postimi i plotë:

Narko-KQZ i vë vetë vulën shkatërrimit të zgjedhjeve.

Narko-KQZ nuk pranon t’i paguajë DHL zarfat e votave pa firmë.

Narko-KQZ, nga ana tjetër, votat i numëron dhe i njeh si rezultat.

Ky është kulmi i kriminalizimit të Narko-KQZ-së.

[📌] Kush i mori zarfat e votave të Diasporës?

[📌] Kush i shpërndau?

[📌] Pse u shpërndanë pa firmë?

[📌] Pse u njohën këto vota të manipuluara sheshit si rezultat zgjedhor nga Narko-KQZ?

[📌] Pse nuk u kallëzuan fajtorët nga KQZ në SPAK dhe Prokurori?

[📌] Pse e fshehu KQZ krimin zgjedhor të konsumuar hapur me votën e Diasporës?

Zgjedhjet kanë rënë!

Rezultatet e zgjedhjeve janë nul, sepse manipulimi është vërtetuar hapur.

Vota e Diasporës i bën pluhur e hi zgjedhjet.

Ndërsa SPAK është futur në bunker dhe bën pazar me qeverinë për të zgjatur mandatet e veta, dhe në shkëmbim i jep alibi krimit zgjedhor që po shkatërron vendin.

© SYRI.net

Lexo edhe:

• SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
• Berisha-protestuesve: Rrethimi epik i epiqendrës së krimit, arritje historike! Edi Rama i pashpresë
• ‘Diaspora është me ju 100%’, shqiptaro-kanadezi: Zgjidhja për Shqipërinë është në këtë protestë - SHORTS