SYRI TV/ 11 fakte të reja të manipulimit të votave nga Greqia, Logu: Operatori postar shkeli kontratën me KQZ

Partia Demokratike ka paraqitur faktet e manipulimit ë votës së diasporës shqiptare në Greqi.

Përfaqësuesi ligjor i PD Marash Logu, ka renditur një sërë problematikash pak orë pasi Kolegji Zgjedhor rrëzoi kërkesën e opozitës për këtë çështje.

-Operatori postar shkeli kontratën me KQZ-në, duke nënkontraktuar operatorë lokalë që nuk garantonin sigurinë e votës.

-Nga data 17 prill deri më 4 maj, nga Greqia erdhën 17 mijë zarfe, rreth 1 mijë zarfe në ditë.

- Më 4 maj, Edi Rama deklaroi në Gjirokastër se procesi në Greqi u bë ‘mish mash’.

-Të njëjtën ditë, Taulant Balla me grupet e patronazhimit u nis drejt Greqisë.

-Nga data 5 maj deri më 11 maj, nga Greqia  erdhën 36 mijë zarfe, rreth 6 mijë zarfe në ditë.

- Zarfe zgjedhore u gjetën në hyrje pallatesh, në lulishte, të hedhura në tokë me papërgjegjshmëri.

-Zarfet nuk u dërguan në adresë të zgjedhësit, por u ngritën pika në qytete të ndryshme të Greqisë. 

-Shpërndarja dhe dorëzimi i zarfeve u bë, pa u verifikuar identiteti i zgjedhësit dhe pa nënshkruar marrjen personalisht.

-Patronazhistët u paraqitën në pikat e operatorëve postarë, tërhoqën zarfet, i plotësuan dhe dërguan drejt Shqipërisë.

-Mijëra qytetarë që u paraqitën për të marrë zarfin e tyre, iu tha se zarfi ishte marrë tashmë.

-Shkeljet flagrante të ligjit cënuan rëndë fshehtësinë e votimit dhe lejuan votimin e shumëfishtë.

-Mijëra zarfe të ardhura nga Greqia nuk reflektojnë vullnetin e zgjedhësve, por atë të patronazhistëve të Partisë Socialiste.

Mëngjesin e të shtunës, në Parkun Olimpik përkundër kontestimeve të opozitës, ka nisur numërimi i votave të ardhura nga Greqia për subjektet politike dhe kandidatët, si dhe të emigrantëve që jetojnë në vendet e tjera për kandidatët, pasi përfundoi numërimi për subjektet politike.

© SYRI.net

Lexo edhe:

• ‘I tmerruar’/ Berisha: Rama e deformoi projektin ‘Smart City’ për të vendosur nën kontroll të plotë qytetarët
• SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
• Berisha-protestuesve: Rrethimi epik i epiqendrës së krimit, arritje historike! Edi Rama i pashpresë