‘Pse duhet të votojnë përsëri qytetarët’/ Berisha: Unë nuk rikthehem për pushtet, para apo luks…

Kryetari i PD, Sali Berisha i është përgjigjur pyetjes “pse duhet votuar ai” në zgjedhjet e 11 majit.

Teksa kujtoi vitin 2013 kur dha dorëheqjen si kryetar i PD, në emisionin “Opinion”, Berisha tha se nuk rikthehet se ka ambicie për pasuri, pushtet apo luks.

Po ashtu, ai theksoi se rikthimi i tij erdhi edhe si pasojë e vendosjes “non grata” nga SHBA, sanksionim që sipas tij, e bëri që të rikthehet për të mbrojtur opozitën.

Biseda në studio:

Fevziu: Njerëzit thonë Berishës i dhamë një shans të parë u largua, i dhamë një shans të dytë… Pse prapë?! Pse ky rikthim?

Berisha: Absolutisht jo për ambicien e për pushtet, para, luks sepse unë more të nderuar më datë 26 qershor 2013 i kam thënë mirupafshim dhe kam dalë anash, jo me ndonjë keqardhje të madhe.

Fevziu: Ia le makinën, po i mbajte patentën!

Berisha: Kam kaluar 40 e ca vite diktaturë dhe njerëzit si udhëheqës në kohë të gjatë nuk duhet të ketë! Kështu që unë, eshe Fatos Nano dha dorëheqjen. Rikthimi, jo nuk i ishte i imi, Ishte një imponim, në të cilin kishte motive kombëtare dhe inidvidyale. Unë në një moment të caktuar pa asnjë lloj baze shpallem non-grata sepse loboi Rama me Sorosin. Lobuan, unë s’lobova ndonjëherë. Ky ishte lëndim shumë i rëndë i dinjitetit tim, por jo vetëm imi. Unë isha ish-Presdient, ish-kryeministër, me të gjitha pozitivet dhe negativet isha njeriu që ky popull kishte votuar. Kur më 9 Shtator u kërkua që Berisha të mos hyjë në Parlament… Ajo pastaj nuk ishte më e Sali Berishës, Berisha po mbronte opozitën.

Pyetje: Po a e ka fituar moralisht këtë “betejë” Berisha?

Berisha: Në një epruvetë artificiale mund t’i shtrojmë kështu gjërat, por në këtë situatë s’shtrohet dot kështu. Nuk është betejë e fituar përfundimisht. Le të marrim këto muaj. Do të zhvillohen zgjedhje në një vend që ka të arrestuar apo në procese penale liderë të 3 partive opozitare. 

© SYRI.net

Lexo edhe:

• Sanchez dhe Rama nën presion: Skandale, protesta dhe një krizë konsensusi
• 4.9 mln euro investim në ‘Edith Durham’/ Xhixho: Mxënësit mund t’i rikthehen mësimit me dy turne
• ‘I tmerruar’/ Berisha: Rama e deformoi projektin ‘Smart City’ për të vendosur nën kontroll të plotë qytetarët