Berisha do marrë pjesë në një diskutim për reformën në drejtësi, takon eksperten ligjore nga Fondacioni Konrad Adenauer

Kryetari i Partisë Demokratike Sali Berisha ka zhvilluar një takim ne selinë blu me Dr. Katrin Nagler, eksperte ligjore e sjellë nga Fondacioni Konrad Adenauer dhe Albanian Policy Center. “Në këtë takim, shkruan Berisha ne nje shënim në facebook,  falënderova Zonjën Nagler dhe Fondacionin Adenauer për mbështetjen e tyre tejet të çmuar.

Mesazhi:

Të dashur miq,

Sot, në selinë e Partisë Demokratike, pata kënaqësinë të mirëprisja Dr. Katrin Nagler, eksperte ligjore e sjellë nga Fondacioni Konrad Adenauer dhe Albanian Policy Center. Takimi u zhvillua në prani të Znj. Edith Harxhi, Znj. Diana Mjeshtri, Drejtoreshë Ekzekutive e Albanian Policy Center, si dhe ekspertëve Brikena Kasmi dhe Gentian Trenova, të cilët po japin një kontribut të çmuar në vlerësimin e Reformës në Drejtësi. Ky proces do të kulmojë me publikimin e një raporti vlerësues.

Në këtë takim falenderova Zonjën Nagler dhe Fondacionin Adenauer për mbështetjen e tyre tejet të çmuar.

Në vijim të kësaj nisme, mbrëmjen e sotme do të marr pjesë në një tryezë diskutimi të organizuar nga Albanian Policy Center dhe Konrad-Adenauer-Stiftung Albania, ku personalitete të shquara dhe profesionistë të fushës do të ndajnë analizat dhe vlerësimet e tyre mbi reformën e drejtësisë në Shqipëri.

© SYRI.net

Lexo edhe:

• Sanchez dhe Rama nën presion: Skandale, protesta dhe një krizë konsensusi
• 4.9 mln euro investim në ‘Edith Durham’/ Xhixho: Mxënësit mund t’i rikthehen mësimit me dy turne
• ‘I tmerruar’/ Berisha: Rama e deformoi projektin ‘Smart City’ për të vendosur nën kontroll të plotë qytetarët