VIDEO-Opozita në PE/ Baton Haxhiu: Besoj se do të dalë një deklaratë e fortë për 11 majin

Pasi ka marrë lajmin për një seancë dëgjimore në Parlamentin Europian me opozitën shqiptare, që pritet të zhvillohet këto ditë, gazetari Baton Haxhiu është shprehur se, nga ky takim pritet që të dalë një deklaratë e fortë në lidhje me zgjedhjet e 11 majit.

Gjatë diskutimit në ‘Çim Peka LIVE’ në SYRI TV, Haxhiu ka dhënë edhe eksperiencat e tij nga zgjedhjet në Kosovë, ku sipas tij, ndërkombëtarët, UNMIK dhe OSBE kanë krijuar një model të zgjedhjeve të suksesshme në Kosovë.

‘Shansi i rëndësishëm i të gjithë atyre që marrin pjesë, për të treguar një të vërtetë e cila ka një vazhdimësi, 2021 dhe si duhet të jetë viti 2025.

Nëse nuk shkohet me argumente, me fakte, por vetëm me emra që ata nuk i njohin, do të jetë problematike për të kuptuar  esencën e asaj që ndodh në botën elektorale shqiptare.

Nuk e di ky grup që do të shkojë atje sa përvojë ka, në këtë rrëfim.

Unë besoj se nga ajo do të dalë një deklaratë e fortë, e cila do ti drejtohet kryesisht qeverisë, por edhe opozitës për të shkuar deri në fund me korrektësi dhe pastërti të zgjedhjeve.

Unë besoj se ky është momenti kryesor për tu ballafaquar me të vërtetën e fakteve. Nga opozita, kushdo që të shkojë, pasi besoj se do të shkojnë nga të dyja kampet, nëse nuk e kanë rrëfimin e duhur, atëherë zgjedhjet e 11 majit do të jenë po me aq probleme sa kanë qenë.

Probleme ka gjithmonë në zgjedhje, por zgjedhjet në Ballkan kanë problematika.

UNMIK dhe OSBE kanë krijuar modelin e zgjedhjeve të cilat janë të suksesshme në Kosovë dhe modeli i tyre është ai që ka vendosur kriterin e zgjedhjeve të lira në Kosovë.

Në të gjitha zgjedhjet në Kosovë, kemi pasur shkarje, por ato nuk e kanë prekur asnjëherë sistemin zgjedhor, pasi ato kanë qenë disa nivele dhe gjithmonë kanë qenë institucionet ndërkombëtare kërcënuese se do të anulohen zgjedhjet nëse ka probleme.

Vetëm një zonë zgjedhore, gati e gjithë Drenica ka shkuar në zgjedhje, vetëm për disa vota që ui gjetën në mënyrë të parregullt’, u shpreh Baton Haxhiu në SYRI TV.

© SYRI.net

Lexo edhe:

• Sanchez dhe Rama nën presion: Skandale, protesta dhe një krizë konsensusi
• 4.9 mln euro investim në ‘Edith Durham’/ Xhixho: Mxënësit mund t’i rikthehen mësimit me dy turne
• ‘I tmerruar’/ Berisha: Rama e deformoi projektin ‘Smart City’ për të vendosur nën kontroll të plotë qytetarët