'Viso dy paketa' vijon të gënjejë për provat e SPAK-ut

Avokati Maks Haxhia, i cili përfaqëson Ajola Xoxën ka folur pas seancave të çiftit Veliaj-Xoxa.

Në deklaratën e tij, Haxhia vijon gënjeshtrat për rastet e Veliajt dhe Xoxës, duke thënë nuk kishte prova të reja ndaj tyre. Ndërkohë që provat e reja nga SPAK-u u publikuan në media.

Ashtu si dhe klienti i tij, kryebashkiaku i arrestuar për korrupsion dhe pastrim parash, dhe Maks Haxhia sulmon gjyqtarët dhe prokurorët, duke thënë se nuk kanë argument.

Me sa duket korrupsion, pastrimin e parave, shpenzimet marramendëse të bëra nga Ajola Xoxa nuk i duken argumente Maks Haxhisë.

“U vendos ajo që ju prisnit të gjithë, vetëm këtë pyetje mos më bëj. Dhe pse i thua kështu është praktika e Gjykatës së Strasburgut për të drejtat e njeriut, e Gjykatës së Lartë, nuk ka argument. Këtë detyrë kemi, t’i paraqesim gjykatës argumentet. SPAK nuk solli asnjë provë të re”, tha Haxhia për Xoxën.

Sa i përket vendimit për Veliajn, Maks Haxhia tha se pritet vendimi nga Gjykata e Lartë.

“Për Veliajn kam një mendim dhe opinion të barasvlershëm. Zgjidhja e çështjeve me masa arresti është një absurditet që vetëm në Shqipëri ndodh. Nuk mund të aplikohet masë arresti për njeriun më të votuar në Shqipëri. Rrezikshmëria është e lidhur me kryerjen e veprave të rrezikshme. Këto vepra penale me karakter administrativ nuk kanë shkallë rrezikshmërie. Presim të ndodhë ndonjë çudi dhe në Gjykatë të Lartë. Është i njëjti material që ka qenë dhe në Shkallën e Parë”, u shpreh avokati për Veliajn.

Në deklaratën e tij, Maks Haxhia ka nxjerrë blof mediat pranë Veliajt, të cilat thanë se Joshua Roberts do të jetë avokat i Veliajt. Haxhia tha se Roberts nuk mund të jetë avokat pasi nuk ia lejon ligji.

“Nuk mund të jetë avokat se nuk e lejon ligji shqiptar”, tha Haxhia./ CNA

© SYRI.net

Lexo edhe:

• Sanchez dhe Rama nën presion: Skandale, protesta dhe një krizë konsensusi
• 4.9 mln euro investim në ‘Edith Durham’/ Xhixho: Mxënësit mund t’i rikthehen mësimit me dy turne
• ‘I tmerruar’/ Berisha: Rama e deformoi projektin ‘Smart City’ për të vendosur nën kontroll të plotë qytetarët