VIDEO/ Gjikuria: Padi për ‘petalen socialiste’. Pse nuk zgjidhet problemi i pronave në Himarë, çfarë arsyesh ka Rama?

 

Gjatë debatit në ‘Çim Peka LIVE’ në SYRI TV, Kandidati i opozitës për bashkinë e Himarës në zgjedhjet gushtit 2024 Petri Gjikuria foli edhe për skandalin e ‘petales socialiste’ që nga Lushnja ka shkuar dhe ka votuar në zgjedhjet e gushtit 2024.

Gjikuria deklaroi se, ka bërë padi në SPAK për atë që ka ndodhur në zgjedhjet e Himarës. Gjithashtu Petro Gjikuria foli edhe për arsyet se, se qeveri e drejtuar nga Edi Rama nuk i jep zgjidhje problemit të pronave në Himarë.

‘Vetëm të shikoni se çfarë ndodhi në Himarë në 4 gusht, edhe kallëzimin që bëra unë në SPAK për gjithë ato lëvizjet e gjendjes civile dhe tani thonë, se do vreshti do hajdutin, por edhe të Zotin do vreshti.

Por ‘petalja socialiste’ e tha vetë se ku ishte rritur dhe tregoi edhe fotografitë që votoi në Himarë. Ne i kemi kallëzuar, aq fuqi kemi ne, tani se çfarë bën SPAK e di SPAK, por duhet të jemi më aktivë se, vijnë zgjedhjet dhe këto krimet zgjedhore duhet ti shikojmë.

Dhe ne për fat të mirë tonin, padinë në SPAK e kemi bërë për Borshin edhe Tavo e ka pranuar se, kishte sjellë njerëz për të mbrojtur votën.

Arrestimi i Fredi Belerit nuk i pëlqeu askujt, por himariotët qëndruan se ata ishin lodhur për 12 vite, dhe jemi lodhur e kemi bashkëbiseduar me kryeministrin disa herë për problemin e pronave dhe janë vrarë kaq njerëz në Shqipër për pronat dhe nuk është dhënë një zgjidhje.

Na premtoi që do na ndihmojë. Isha i pranishëm në atë takimin e diasporës në 2016 dhe bënin diskutime se si të bënin turizëm me polumbarë, që dukeshin qiqra në hell. U ngrita dhe u bëj një pyetje; se kapitalizmi është i bukur, por shpirti i tij është prona, pse nuk i jepni pronat. Më ndaloi dhe më tha, jemi në bashkëbisedim.

Më pas erdhi e më takoi dhe më tha, bëhet dhe do ti bëjmë. Jemi takuar dhe me Ramën dhe kemi diskutuar atë problem. Nëse zgjidhet problemi i pronës, është puna ime se çfarë të bëj me të.

Problemi është pse nuk zgjidhet problemi i pronës, ai ka arsyet e tij, ne nuk e dimë se çfarë arsyesh ka, por supozojmë që kërkon ti mbajë njerëzit të frikësuar, të mos votojnë të lirë, dhe të mos shprehin vullnetin e tyre që të votojnë për ndryshim’, tha ndër të tjera Petro Gjikuria në SYRI TV.

© SYRI.net

Lexo edhe:

• ‘I tmerruar’/ Berisha: Rama e deformoi projektin ‘Smart City’ për të vendosur nën kontroll të plotë qytetarët
• SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
• Berisha-protestuesve: Rrethimi epik i epiqendrës së krimit, arritje historike! Edi Rama i pashpresë