Pas dushit të Ballukut, Elisa i heq fjalën opozitës, merr udhëzime nga Balla për të ndërprerë seancën

Mbledhja e fundit e grupit parlamentar të PS-së, ishte një dush i ftohtë për kryetarin e parlamentit Elisa Spiropali.

Meqenëse në seancën e parafundit të parlamentit, mazhorancës nuk i shkoi propaganda deri në fund, siç edhe dëshironin, pasi opozita bllokoi një nismë antikushtetuese të PS-së për faljen e gjobave për ndërtimet pa leje, Balluku është treguar e ashpër me Spiropalin dhe mënyrën e saj të drejtimit të parlamentit.

Balluku ka shkuar deri aty sa ka akuzuar Spiropalin se ‘është nën presionin e Gazment Bardhit’. E ky dush i ftohtë i ditës së martë, ka bërë që Spiropali të ‘egërsohet’ dhe ti heq fjalën në parlament opozitës.

Elisa Spiropali i ka ndërprerë fjalën çdo deputeti të opozitës, të cilët kanë akuzuar qeverinë si hajdutë.

Por sipas Elisës  këto kanë qenë fyerje të drejtuara ndaj qeverisë dhe janë shkak për ndërprerjen e fjalës së deputetëve të opozitës.

Kjo sjellje e Spiropalit ka bërë që të rikthehet tensioni në sallën e parlamentit që ka sjellë edhe ndërprerjen e punimeve.

Edhe pse për Spiropalin seanca ishte në normalitet, ajo vendosi të ndërpresë punimet pas udhëzimeve që mori nga Taulant Balla, i cili i kërkoi ndërprerjen e punimeve të parlamentit.

© SYRI.net

Lexo edhe:

• SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
• Berisha-protestuesve: Rrethimi epik i epiqendrës së krimit, arritje historike! Edi Rama i pashpresë
• ‘Diaspora është me ju 100%’, shqiptaro-kanadezi: Zgjidhja për Shqipërinë është në këtë protestë - SHORTS