Lirimi i Berishës/ Burimi: Pasojë e presionit ndërkombëtar, luajti rol edhe fitorja e Trump

Analisti Genc Burimi, në një lidhje me Skype në News 24 ka komentuar lirimin e kreut të PD Sali Berisha nga ana e GJKKO-së.

Burimi tha se lirimi i Berishës është pasojë e presionit ndërkombëtar. Sipas Burimit, ndërkombëtarët janë “zgjuar” pas zgjedhjes së Donald Trump si president i Amerikës. Për analistin Burimi, në Shqipëri, problem është fakti që zgjedhjet që mbahen janë të manipuluara.

Lirimi i Sali Berishës është pasojë e një presioni ndërkombëtar. Ndërkombëtarët u zgjuan pas zgjedhjes së Donald Trump. Ndërkombëtarët herë pas here ndërhyjnë në vend. Ndërkombëtarët nuk kanë dëshirë që të shikojnë një Shqipëri në gjullurdi. Sa më normalitet të ketë në opozitë, më mirë është për demokracinë, që zgjedhjet mos të kontestohen.

Nëse “kapiteni” i një ekipi rikthehet në fushë (siç ndodhi me rikthimin e Berishës) kjo i jep entuziazëm në fushë skuadrës, por kjo nuk garanton fitoren. Duhet që zgjedhjet mos të jenë të manipuluara dhe këtë e thonë raportet ndërkombëtare. Në Shqipëri është bërë sport kombëtar që partia në pushtet përdor taksat e shqiptarëve për favor të saj.

© SYRI.net

Lexo edhe:

• SYRI TV/ Berisha përshëndet protestat: Mirënjohje qytetarëve e diasporës, rrethim epik i epiqendrës së krimit
• Berisha-protestuesve: Rrethimi epik i epiqendrës së krimit, arritje historike! Edi Rama i pashpresë
• ‘Diaspora është me ju 100%’, shqiptaro-kanadezi: Zgjidhja për Shqipërinë është në këtë protestë - SHORTS