Berisha: Narkodiktatori nuk e priste kurrë se do ta prisnin aq shumë shqiptarë, por më shumë jashtë kundër tij se sa në sallë të ndryrur me të

Në tubimin e përnatshëm në “Rrugën e Shpresës,” kryedemokrati Sali Berisha theksoi se gjatë kësaj periudhe, përmes kësaj “dritareje,” janë përcjellë zgjidhjet dhe zotimet e tyre për të luftuar kundër vjedhjeve shtetërore, varfërisë dhe shfrytëzimit të qytetarëve nga regjimi aktual, të cilin e përshkroi si kolonial.

Berisha u ndal dhe në rëndësinë e diasporës shqiptare, duke e cilësuar atë si një flakë ndriçimi për rrugën e lirisë. Ai lavdëroi angazhimin e diasporës në SHBA, e cila së fundmi organizoi një protestë masive në Nju Jork kundër “narkodiktatorit” Edi Rama.

Berisha e përqendroi fjalimin i tij në vlerat e lirisë dhe të drejtësisë, duke theksuar se përpjekjet e diasporës do të hyjnë në historinë e luftës për lirinë e shqiptarëve.

FJALA E BERISHËS:

Këto 300 ditë, nga kjo dritare u përcollëm shqiptarëve, zgjidhjen, zotimet tona, për luftë të pamëshirë, kundër vjedhjeve shtetërore, kundër dhimbjeve të tyre nga varfëria, kundër shfrytëzimit nga regjimi, si një regjim kolonial. 
U paraqitëm platformën tonë, për begatimin e tyre, për integrimin në Europë, për rikthimin e votës së lirë, pra kjo dritare dhe kjo rrugë, janë rruga dhe dritarja e shpresave të shqiptarëve. 
Miqtë e mi! 
Këto 300 ditë ne ja dolëm të bindnim diasporën tonë, për të vërtetën e regjimi autokratik, të bazuar në drogën, krimin dhe vjedhjen e shqiptarëve.
Miq, diaspora jonë, është një diasporë e cila në rrafshin politik ka histori nga më të lavdishme e të gjithë diasporave të tjera. 
Kjo diasporë mbeti gjithnjë flakë që ndriçon rrugën e lirisë së shqiptarëve.
Ajo u ngrit fuqishëm dhe u bë zëri i një kombi të shtypur në diktaturën staliniste. 
Ajo u ngrit fuqishëm në SHBA dhe vende të tjera dhe u bë zëri i fuqishëm i Kosovës martire, në betejën e saj për liri dhe pavarësi kombëtare. 
Dje diaspora shqiptare në Nju Jork, SHBA, u ngrit fuqishëm kundër narkodiktatorit. 
E demaskoi atë në metropolin e botës, në Nju Jork, me një protestë ndër më të mëdhatë, më të fuqishmet. 
Do të përdorur hua, fjalën e një miku tim që më thotë se; narkodiktatori nuk e priste kurrë se do ta prisnin aq shumë shqiptarë, por më shumë jashtë kundër tij se sa në sallë të ndryrur me të. 
Angazhimi i diasporës, ngritja e zërit të saj në vendin e lirisë, protesta e djeshme do të hyjë në analet e përpjekjeve të shqiptarëve për liri, si një kapitull i ri, i shqiptarëve më mërgim, si një betejë për lirinë e vendit të tyre. 
Zoti i bekoftë! 

© SYRI.net

Lexo edhe:

• Emigranti: Në ’90 protestoja kundër regjimit dhe babait të Edi Ramës, sot po protestoj kundër Ramës
• 'Rama jepe dorëheqjen'/ Shqiptarët në Milano sërish në protestë
• Berisha: Çdo demokrat të bashkohet me këtë protestë, me një kusht, jo si militant, por si qytetar