Gjykata e Posaçme kundër Korrupsionit dhe Krimit të Organizuar, kalon për gjykim dosjen në ngarkim të ish-kryebashkiakut të Kukësit Safet Gjici dhe shtetases Alma Kaçi.
GJKKO me trupë gjykuese Atalanta Zeqirin pranoi kërkesën e përfaqësueses së akuzës Manjola Kajana për ta kaluar dosjen për gjykim për veprat penale ‘korrupsion pasiv’ sa i përket Gjicit dhe ‘korrupsion aktiv’ për Kaçin. Gjithashtu GJKKO pranoi kërkesën e të pandehurve për gjykim të shkurtuar, por jo atë për pushim të akuzave.
Në seancën me dyer të mbyllura, Kaçi iu ka qëndruar deklarimeve të mëhershme, duke thënë se kishte sinjalizime se pushtetari vendor abuzonte me detyrën dhe kishte vendosur të kryente skenarin për të provuar dyshimet, sipas saj, përmes një investigimi.
“Kisha dëgjuar dhe marrë informacione se zyrtarë të tillë kryenin veprime në shkelje të funksionit, përfshirë edhe Gjicin. Vendosa të bëj një investigim, nuk kisha aspak qëllim të përfitoja tender apo ndonjë favor të tillë. Doja vetëm të faktoja se si zyrtarët e lartë abuzojnë me detyrën”, tha Kaçi në gjyq.
Ndërkohë Gjici tha se skenari është i sajuar duke mos kursyer as akuzat.
“Nuk ka asnjë fakt, asnjë provë, asnjë firmë a vendim që të provojë se e kam kryer veprën penale. Është çështje e sajuar nga ushtarë politikë”, tha Gjici.
Kujtojmë se vetëm pak javë pasi ishte rikonfirmuar për herë të dytë si kryebashkiak i Kukësit, Safet Gjici u përfshi në një skandal seksual në zyrën e punës, ku kryente marrëdhënie seksuale me Alma Kaçin.
Në kërkesën e SPAK për kalimin e dosjes për gjykim, ndryshe nga pretendimet e Gjicit, thuhet se është provuar fakti se zyrtari pranon ndihmën e kërkuar nga Alma Kaçi për ta paraqitur projektin e saj në mbledhjen e Këshillit Bashkiak.
Sipas SPAK, që mbylli hetimet disa ditë më parë, janë përftuar prova dhe të dhëna nga analizimi i të cilave ka rezultuar se e pandehura Alma Kaçi, është personi që i ka ofruar/dhënë përfitime të parregullta të pandehurit Safet Gjici, dhe se ky i fundit pasi ka përfituar prej saj përfitimin e parregullt, në formën e favorit seksual, ka premtuar/pranuar ta ndihmojë me projektin e saj të mbrojtjes së qenve dhe ta paraqiste më tej në mbledhje të Këshillit Bashkiak të Bashkisë së Kukësit.
© SYRI.net
SYRI TV/ Maloku dhe Qefalia, si drejtorët '5D' të Veliajt: Vlera e tenderave, mbi 35 milionë euro
Gjyqi ndaj kryebashkiakut të zgjedhur Fredi Beleri/ Caktohet data në Apelin e Posaçëm
Avokatët e liderit të opozitës dorëzojnë kërkesën për përjashtimin e gjyqtares me tre mbiemra
Denonco
Merrni lajmet më të fundit nga SYRI.net në çdo moment dhe kudo që të jeni!
